Dada anauliza hivi

[Muhammad]

Assalama Alaykum WarahmatuLlahi Wabarakaatuh,

Dada zetu wanauliza hivi,

1. Jee kukata kucha wakati wako katika siku zao za mwezi haijuzu?

2. Jee ikiwa wakati huu huu akichana nywele na zile ambazo zinotoka katika kitana ati ni lazima aziweke mpaka amalize siku zake halafu azitoharishe ndio azitupe. Haya makubwa kwangu.

Hata kucha ati wazitoharishe kwanza halafu wazitupe.

Tutoeni ujahili.

[Abukhalil]

Waalaykumussalaam warahmatu-LLahi wabarakaatuh

Jawabu:

Hayo hayana asli katika Sharia -kwa mujibu wa wenye ilmu- hata kama yametajwa katika baadhi ya vitabu; bali kukata kucha ni katika unadhifu unaotakiwa kisharia.

Kisha mwanamke hujitoharisha kwa ibada si kwa kuwa alikuwa najis, na kwa hiyo hapaswi kuosha ila kilicho mwilini mwake.

Hata hivo nywele za mwanamke ni aura (yaani sehemu inayopaswa istiriwe isionekane na wasio mahramu); hata zikitoka inapasa azikusanye na kuzifukia au kuzificha katika katika kitu kama karatasi au mfuko nk kabla kuzitupa jaani.
Wa'LLahu A'lam.

Abukhalil.