Maji kutoka katika ardhi ya kunyanganya

[Abuu A'amir]

Assalamu alaykum warahmatullah wabarakaatuh.

Nini hukumu ya utumiaji wa maji yaliyosambazwa katika jamii yakiwamo majengo ya misikiti; lakini kisima kinachotowa maji hayo kimechimbwa katika shamba la walio kuwa watoto yatima ambao walinyanganywa kwa nguvu za dola na kupewa mtu mwengine?

[Abukhalil]

Waalaykum Salaam warahmatu-LLahi wabarakaatuh

Jawabu:

Kwa mujibu wa wenye ilmu, utumiaji wa maji ya kisima kilichomo/kilichochimbwa katika shamba lilonyan'ganywa si haramu kwa asiyechukua/asiyenyan'ganya ardhi hiyo; kwani maji ya kisima hayamilikiwi na mtu; bali mwenye kisima anamiliki shimo lenyewe tu likiwa katika ardhi yake.

Dalili ya hayo ni kauli ya Mtume -rehma za Allah na amani zimshukie- "Waislamu ni washirika katika matatu: maji, nyasi, na moto"; imepokewa na Abu Daud, Ahmad, Ibnu Majah na wengine. Wa'LLahu A'lam.

Abukhalil.

[Abuu A'amir]

............"si haramu kwa asiyechukua/asiyenyan'ganya ardhi hiyo;" suali zaidi ni kutaka kujuwa katika hali hii nani atahisabiwa kuwa ni mwenye kunyanganya?