Hajji na sala ya eid

[Abuu A'amir]

Assalamu alaykum warahmatullah wabarakaatuh

Nini hekima ya mwenye kutekeleza ibada ya hija kutokufunga sunna ya "ashuraa" na kutokusali sala ya eid

Wabillah ttawfiq

[Abukhalil]

Waalaykum Salaam warahmatu-LLahi wabarakaatuh

Jawabu:

Nadhani unakusudia saumu ya "Siku ya Arafa", ambapo mahujaji huwa katika kisimamo cha Arafa. Imethibiti kuwa Mtume wa Allah -rehma za Allah na amani zimshukie- hakufunga siku hiyo alipohiji. Kwa ajili hiyo, imefahamika kuwa himizo lake -rehma za Allah na amani zimshukie- la kuifunga siku hiyo ni kwa wale wasiokuwa katika hijja.

Wenye ilmu wamesema kuwa hikma ya kuto kufunga siku hiyo kwa mwenye kuhiji ni kumfanya awe na nguvu na hamasa ya kumdhukuru Allah kwa wingi na kumuomba tangu adhuhuri hadi magharibi bila ya kudhoofika.

Halikadhalika sala ya eid haikusuniwa kwa mahujaji kwasababu wakati wa sala hiyo wao huwa wameshughulika na kupiga jamra la 'Aqaba, na wakimaliza hufanya ibada nyenginezo za hijja kama kuchinja, kunyoa na kutufu tawafu ya ifadha.
Wa'LLahu A'lam.

Abukhalil.

[Abuu A'amir]

Mtu ambaye anafanyiwa hija na mtu mwngine na yeye (mwenyekufanyiwa hija) akabakia katika nchi yake kipi kilichobora kwake kuhusuina na utekelelezaji wa ibada ya funga ya arafat na sala ya ied?

[Abukhalil]

Jawabu:

Madamu yeye hayumo mwenyewe katika hija, bila shaka ni bora kwake akiweza kufunga siku ya arafa na kuhudhuria sala ya Eid. Wa'LLahu A'lam.

Abukhalil.