A'Salaam Alaykum Warahmatullah Wabarakatuhu

Napenda kukuarifu ya kwamba niko njiani ninakuja na nitakuwa mgeni wako hapo

nyumbani kwa kipindi  cha mwezi mmoja, natumai umejiandaa vizuri sana

kunipokea kama mgeni wako mtukufu kabisa kuliko wageni wako wote wanaokuja

hapo nyumbani, ikiwa utabahatika kukutana na mimi na kuwa mgeni wako tena

mwaka huu huna budi kumshukuru Allah (SW) kwa kupata fursa nyengine tena ya

kukutana na mimi. 

Ninakushukuru sana kwa mapokezi yako ya kila mwaka na juhudi yako ya

kunitumia ili niweze kukufaa siku ya hesabu, nitafurahi zaidi ikiwa

umejiandaa vizuri zaidi na utanitumia kwa juhudi zako zote mwaka huu kuliko

mwaka jana, ninatambua kwamba mwaka huu sitokuwa nao baadhi ya wenzako ambao

niliwakuta mwaka jana leo hii wako mbele ya haki, fursa hii adhimu umeipata

natumai kwa juhudi zako zote japo kuwa zimebaki siku chache tu na lolote

linaweza likatokea katika kipindi hiki kifupi.